Wie mir eus kenneglernt händ
Ich glaub es isch Mäntig, de 16. August 1999 gsi, wo mir eusi HC-Gymi-Uusbildig im MNG Rämibüehl aagfange hend. Und wie's de Zuefall so het welle - oder isch es Schicksal gsi - simmer nebenand as Pult gsesse. Das isch de Aafang gsi vo eusere tolle Männerfründschaft [Anm. des Autors: villicht simmer zersch no kei "Männer" gsi, inzwüsche chame aber nümm dra zwiifle ;) ]
...Schiber!
Jaja, de Name "Schiber". Das isch wieder e Gschicht für sich. Du hesch dich sicher scho gfrögt, wieso mir eusi Homepage "schiber.ch" tauft hend.
Mir sind eus nümm ganz sicher, wenns eigentli demit aagfange het. Uf jedefall het eine vo eus am Andere nur no "Schiber" oder "du bisch sooonen Schiber!" gseit. Sit denn mached mir zwei als "Schibers" d'Wält unsicher.
