Schiber dankt...

Folgende Mensche, Gägeständ, Erfindige, Gnussmittel, etc. möchted mir a dere Stell mal "Danke" säge, will sie uf irgend e Art euses Läbe eifach läbenswärter mached... (Mer seit ja allgemein vill zwenig "Danke"!)

 

Drum säged mir, danke...

 

  • Mike vode Spaghetti-Factory (Hirscheplatz), dass du eus jedes mal kännsch und Freud häsch, wänn mir verbii chömed
  • Nani, dass mir jedi Skiferie din VW-Vento GT (mit Heckspoiler) därfed e Wuche lang uf Tuure bringe und de Berg ufejage
  • ICU, dass mer i dinere Lounge därfed hänge, tolli Ahläss bsueche, netti Lüütlis träffe und gratis Bier trinke
  • Colby (the cow), dass mir dich in Australie 3 Mönet lang händ därfe verschiniide, verschnätzle, verstückle, in Salat ine mische, uf's Sandwich drufpacke und ÄSSE - du bisch eifach s'Bescht (gsi)
  • Bruno, dass mer mit dir im Aussi-Land händ därfe Hering in Bode ineschlah, womer nie meh usebracht händ - du bisch im wahrschte Sinn vom Wort eifach "de Hammer" gsi
  • eusne Mamis, dass si eus zur Brust gno, ufpäppelet und so vill Ziit i eus investiert händ (mir hoffed, ihr sind mitem Outcome zfride...)
  • LOST, dass du so spannend bisch
  • Mayonnaise, dass du euses Läbe versüessisch und am Sandwich en Sinn gisch
  • Hopfe, Malz, Hefe und Wasser, dass mer eu so wunderbar kombiniere chan
  • C2H6O
  • CH-Militär, dass mer richtigi Männer worde sind (Achtung: Sarkasmus!)
  • to be continued...

 

D'Reihefolg vode Danksägig hät überhaupt nüt demit z'tue, wäm mer meh oder weniger danke wänd, sondern isch rein zufällig entstande!

NetZone SolarPower